؛؛
؛؛
؛؛
السلام عليكم ورحمة الله وبركاته
حابه اليوم أقول لكم جـــمــــيـــعـــآآآ..
كـٌلَ عـَامٍ وأنُـتـَم بـِخـًيـٌرَ وعَـافُـيـِهً ..
بمناسبة قدوم شهر ((..رمَـضـٌانً الـمُـبَـاركٍـ..))
ربي يتممه على الجميع بخير يارب..
حاب أعبر عن فرحتي بقدومه..
وأبارك لكم بطريقتي الخاصه..
بطريقه أهل الحجاااااااااااااااااز..
وخاصة بطريقة أهل >>>>>> المدينه المنوره <<<<<< طيبه الطيبه..
إحنا عندنا عادة قديمه..كل ما يمر علينا نص شعبان..
ننشد أنشوده..خاصة فينا ونبارك لجميع الأهالي برمضان..
والأهالي تشتري بعض الحلويات والمشبك والفشار والحاجة (المكسرات) وحمام البر .
.<<هذه بعض الأطعمه الخاصه بهالمناسبه..
وبعد كذا كل حاره يجتمعوا أهلها ويرئسهم شخص منهم..
وينشدوا هادي الأنشوده..
للمعلومية .. كلمات الأنشوده قدييييييييييييمه جدا ..يعني على ماأعتقد إنكم ماراح تفهموها
.:..:.
وهذه أنشودتنا..
سيدي شاهن ياشربيت..
خرقه مرقه ياأهل البيت..
اما جواب ولا تواب .. ولا نكسر هذا الباب..
لولا خواجه .. ماجينا..
و ان طاحت .. كوافينا..
حل الكيس وأعطينا..
ستي سعاده .. هاتي العاده..
سيدي سعيد .. هات العيد..
اما مشبك .. ولا فشــار..
ولا عروسه .. من الروشــان..
ولا عريس .. من الدهليز..
.:..:.
وفي ساعتها يوزعوا الفشار والمشبك والحلاوه والأهالي يرموها من الروشان..
على إلي بينشدوا..
ولما يعطوهم أهل البيت الحلاوه..
يقولوا..
قاروره يا قاروره ست البيت غندوره ..(وهذا مدح )
ولما يقصروا معاهم ومايعطوهم..
يقولوا..
كبريته يا كبريته ست البيت عفريته ...(طبعا ذم)
كراته يا كراته ست البيت ظراطه ...طبعا ذم
عاده جميله وقديمه تعبر على التضامن والفرحه مابين ابناء الحاره الواحده..
وحبيت إني أشاركم بيها..
بس للأسف ذحين محد يمشي في الحاره وهالعادة أندثرت وماصرنا نقول غير الأنشوده..
ونشتري المشبك والفشار..وكل مين في بيته..وبس
اتمنى الموضوع يحوز على رضاكم
للعلم مجهود صديقتي هي اللي كاتبه
وحبيت اشاركم فيه ..
ودي لارواحكم الطاهره
؛؛
؛؛
؛؛
موضوع: يسعدهمً أهِل آلـمـديـنـة ... عآدآتنآ آلحًلوة للِنآآسَ آلحًلوة 
السبت أغسطس 15, 2009 6:41 am